15.04.2022
Daim öz əməkdaşlarının inkişafına investisiya edən Naxçıvanbank, bu dəfə Müştəri xidmətləri əməkdaşlarını “Universal bank işçisi” layihəsinə cəlb edərək, onların bilik və bacarıqlarının yüksəldilməsinə dəstək olub.
İstedadlı və motivasiyalı bank əməkdaşları 2 aylıq təlim-tədris proqramına qoşularaq bank qanunvericiliyi və banklar üçün normativ hesab olunan praktiki və nəzəri təlimlər və məşğələlərdə iştirak etmişdir.
15.04.2022 tarixində bankın Baş ofisində təlimin məzunları ilə görüş təşkil edilmiş, təlim proqramını uğurla yekunlaşdıran əməkdaşlarımız beynəlxalq statuslu sertifikat və fərqlənmə diplomu ilə təltif olunmuşdur. Bu münasibətlə əməkdaşlarımızı təbrik edir, işlərində uğurlar arzulayırıq!
